<
மொபட் சக்கரத்தில் சேலை சிக்கி பெண் பலி
ெமாபட் சக்கரத்தில் சேலை சிக்கி பெண் பலியானார். கணவருடன் சென்ற போது இந்த பரிதாப சம்பவம் நேர்ந்தது.
வாடிப்பட்டி,
ெமாபட் சக்கரத்தில் சேலை சிக்கி பெண் பலியானார். கணவருடன் சென்ற போது இந்த பரிதாப சம்பவம் நேர்ந்தது.
மொபட்டில் சேலை சிக்கியது
திண்டுக்கல் மாவட்டம் நிலக்கோட்டை அருகே கல்லடிபட்டியை ்சேர்ந்தவர் கணேசன் (வயது 52). இவருடைய மனைவி பராசக்தி (50). இவர்கள் இருவரும் நேற்று முன்தினம் மொபட்டில் கல்லடிப்பட்டியிலிருந்து மதுரையை நோக்கி வந்து கொண்டிருந்தனர். அப்போது அய்யன்கோட்டை அய்யனார் கோவில் முன்பு வந்தபோது எதிர்பாராதவிதமாக பராசக்தி உடுத்தி இருந்த சேலை மொபட் சக்கரத்தில் சிக்கியது. இதனால் நிலைதடுமாறி அவர் கீழே விழுந்தார்.
பரிதாப சாவு
இதில் தலையில் பலத்த காயம் ஏற்படவே சிகிச்சைக்காக 108 ஆம்புலன்ஸ் மூலம் வாடிப்பட்டி அரசு மருத்துவமனையில் சேர்த்தனர். ஆனால் அங்கு சிகிச்சை பலனின்றி பராசக்தி பரிதாபமாக இறந்தார். மனைவி இறந்ததை அறிந்து அவரது கணவர் கதறியது பரிதாபத்தை ஏற்படுத்தியது. இது குறித்து வாடிப்பட்டி போலீஸ் சப்-இன்ஸ்பெக்டர் அண்ணாதுரை வழக்கு பதிவு செய்து விசாரித்து வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
