தினத்தந்தி புகார் பெட்டி

திருவாரூர் மாவட்டம் மன்னார்குடி நகராட்சி ஒத்தைதெரு ஆனந்த விநாயகர் கோவில் அருகே மேல்நிலை நீர்த்தேக்க தொட்டி அமைக்கப்பட்டுள்ளது. இந்த நீர்த்தேக்க தொட்டி உள்ள கட்டிடத்தின் கீழ் தளத்தில் துணை வணிக வரி, தனி தாசில்தார், வருவாய்த்துறை, நீதிமன்றம் உள்ளிட்ட அரசு அலுவலகங்கள் இயங்கி வருகின்றன. இந்த நிலையில் பராமரிப்பில்லாததால் மேல்நிலை நீர்த்தேக்க  தொட்டியில் செடி, கொடிகள் வளர்ந்து உள்ளன. குறிப்பாக தொட்டியில் உள்ள சிமெண்டு காரைகள் பெயர்ந்து விரிசல் ஏற்பட்டு தண்ணீர் வெளியே கசிந்து வருகிறது. மேலும் விரிசல்கள் ஏற்பட்டுள்ளதால் தொட்டி வலுவிழந்து காணப்படுகிறது. எனவே அசம்பாவிதம் எதுவும் ஏற்படும் முன்பு சம்பந்தப்பட்ட அதிகாரிகள் மேல்நிலை நீர்த்தேக்க தொட்டியில் உள்ள செடி, கொடிகளை அகற்றி, தொட்டியை சீரமைத்து தர நடவடிக்கை எடுப்பார்களா?

                                 

                                                                                                                                   -கோவிந்தராஜ், மன்னார்குடி.