சிறுமியிடம் தவறாக நடக்க முயன்றவர் கைது

வெள்ளியணை போலீஸ் சரகத்திற்கு உட்பட்ட காளையப்பட்டி பகுதியை சேர்ந்தவர் சசிகுமார் (வயது 34). இவர் டிப்ளமோ வரை படித்துள்ளார். இவருக்கு இன்னும் திருமணம் ஆகவில்லை. இந்த நிலையில் சசிகுமார் அதே பகுதியை சேர்ந்த 14 வயதுடைய சிறுமியிடம், தன்னை திருமணம் செய்து கொள்ளுமாறு கூறி தகாத முறையில் நடக்க முயன்றதாக கூறப்படுகிறது. இதுகுறித்து சிறுமியின் தாயார் அளித்த புகாரின் பேரில் வெள்ளியணை போலீசார் போக்சோ சட்டத்தின்கீழ் வழக்குப்பதிவு செய்து சசிகுமாரை கைது செய்து சிறையில் அடைத்தனர்.