<
வேலூரில் குடிநீர் கேட்டு பொதுமக்கள் காலிகுடங்களுடன் சாலைமறியல்
வேலூரில் குடிநீர் கேட்டு பொதுமக்கள் காலிகுடங்களுடன் சாலைமறியல் செய்தனர்.
வேலூர்
வேலூரில் குடிநீர் கேட்டு பொதுமக்கள் காலிகுடங்களுடன் சாலைமறியல் செய்தனர்.
சாலைமறியல்
வேலூர் சைதாப்பேட்டை பி.டி.சி.ரோடு பகுதியில் சுமார் 5 ஆயிரத்துக்கும் மேற்பட்ட வீடுகள் உள்ளது. இந்த பகுதியில் கடந்த ஒரு மாதத்துக்கும் மேலாக குடிநீர் வினியோகம் செய்யப்படவில்லை என்று கூறப்படுகிறது. இதனால் ஆத்திரமடைந்த அந்த பகுதியை சேர்ந்த பொதுமக்கள் மற்றும் எஸ்.டி.பி.ஐ. கட்சியினர் காலிகுடங்களுடன் பி.டி.சி. ரோட்டில் நேற்று காலை சாலை மறியலில் ஈடுபட்டனர்.
இதனால் அந்த பகுதியில் போக்குவரத்து பாதிக்கப்பட்டது. இதுகுறித்து தகவல் அறிந்ததும் மாநகராட்சி அதிகாரிகள் மற்றும் வேலூர் வடக்கு போலீசார் சம்பவ இடத்துக்கு சென்று பேச்சுவார்த்தை நடத்தினர்.
குடிநீர் வழங்கவில்லை
அப்போது பொதுமக்கள் கூறுகையில், எங்கள் பகுதியில் ஒரு மாதத்திற்கு மேலாக குடிநீர் வினியோகம் செய்யப்படவில்லை. காவிரி கூட்டுக் குடிநீர் குழாய்கள் சேதம் ஏற்பட்டதால் குடிநீர் வினியோகிப்பதில் தாமதம் ஏற்பட்டுள்ளதாக அதிகாரிகள் தெரிவிக்கின்றனர். இதுபற்றி மாநகராட்சியில் புகார் தெரிவித்த பிறகும் எந்தவித நடவடிக்கை எடுக்கவில்லை. குடிநீர் கிடைக்காமல் அவதிப்பட்டு வருகிறோம். இதுகுறித்து நடவடிக்கை எடுத்து குடிநீர் பிரச்சினையை தீர்க்க வேண்டும் என்றனர்.
அதற்கு அதிகாரிகள் லாரிகள் மூலம் தற்காலிகமாக குடிநீர் வினியோகிக்கப்படும். தொடர்ந்து குடிநீர் கிடைக்க நடவடிக்கை எடுக்கப்படும் என்றனர். இதனை தொடர்ந்து பொதுமக்கள் மறியலை கைவிட்டு அங்கிருந்து கலைந்து சென்றனர். இந்த சம்பவம் அந்த பகுதியில் பரபரப்பை ஏற்படுத்தியது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
