<
மூதாட்டி பலி
மோட்டார் சைக்கிள்-மினிவேன் மோதிய விபத்தில் மூதாட்டி பலியானார்.
வடமதுரை:
வேடசந்தூர் அருகே உள்ள வைவேஸ்புரத்தை சேர்ந்தவர் கோபாலகிருஷ்ணன் (வயது 25). இவர், திண்டுக்கல்லில் உள்ள தனியார் கல்லூரியில் படித்து வருகிறார்.
நேற்று முன்தினம் இவர், தனது பாட்டி லட்சுமி (72), உறவினர் யோகேஸ்வரன் (16) ஆகியோருடன் ஒரு மோட்டார்சைக்கிளில் செங்குறிச்சியில் உள்ள உறவினர் வீட்டு நிச்சயதார்த்த நிகழ்ச்சிக்கு சென்றார்.
எரியோடு-வடமதுரை சாலையில் உள்ள தனியார் நூற்பாலை விடுதி அருகே மோட்டார் சைக்கிள் சென்று கொண்டிருந்தது.
அப்போது பின்னால் வந்த மினிவேன், மோட்டார் சைக்கிள் மீது பயங்கரமாக மோதியது. இந்த விபத்தில் மோட்டார் சைக்கிளில் சென்ற 3 பேரும் தூக்கி வீசப்பட்டனர். அக்கம்பக்கத்தினர் அவர்களை மீட்டு சிகிச்சைக்காக, திண்டுக்கல் அரசு மருத்துவமனையில் சேர்த்தனர். அங்கு சிகிச்சை பலனின்றி லட்சுமி பரிதாபமாக இறந்தார்.
கோபாலகிருஷ்ணன், யோகேஸ்வரன் ஆகியோருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து புகையிலைப்பட்டியை சேர்ந்த மினிவேன் டிரைவர் தனபால் என்பவர் மீது, வடமதுரை போலீஸ் சப்-இன்ஸ்பெக்டர் பிரபாகரன் வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
