வெவ்வேறு விபத்தில் வாலிபர் உள்பட 2 பேர் பலி

திருச்சி, பிப்.22-
வெவ்வேறு விபத்தில் வாலிபர் உள்பட 2 பேர் பலியானார்கள்.
பஸ் மோதியது
திருச்சிஅம்பிகாபுரம்மேலபுதூரைசேர்ந்தபாலகிருஷ்ணன்மகன் சுரேஷ்குமார் (வயது 35). இவர் நேற்றுமுன்தினம் நள்ளிரவு காட்டூரில் இருந்து திருச்சி நோக்கிமோட்டார் சைக்கிளில் வந்துகொண்டிருந்தார். திருச்சி- தஞ்சை தேசிய நெடுஞ்சாலையில்அரியமங்கலம் பகுதியில் உள்ள சோதனை சாவடி அருகே சென்றபோது, அவருக்குப் பின்னால் வந்த பஸ் மோட்டார் சைக்கிள் மீது மோதியது. இதில் சுரேஷ்குமார் நிலைதடுமாறி கீழே விழுந்தார்.
அப்போது பஸ்சின் சக்கரம் அவரது தலையில் ஏறி இறங்கிவிட்டு நிற்காமல் சென்றது. இதில் அவர் சம்பவ இடத்திலேயேபலியானார்.தகவலறிந்ததெற்கு போக்குவரத்து புலனாய்வு பிரிவு போலீசார் சம்பவ இடத்திற்கு சென்று அவரது உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். தொடர்ந்து இதுகுறித்து வழக்குப்பதிவு செய்து விபத்தை ஏற்படுத்திவிட்டு நிற்காமல் சென்ற பஸ் குறித்து விசாரணை நடத்தி வருகிறார்கள்.
மற்றொரு விபத்து
புதுக்கோட்டை மாவட்டம் குளத்தூர் தாலுகா மாத்தூர் தெற்கு தெருவை சேர்ந்தவர் பெரியசாமி (39). இவர் நேற்று தனது மொபட்டில் பணம் எடுத்துவிட்டு புதுக்கோட்டை-திருச்சி தேசிய நெடுஞ்சாலையில்வந்து கொண்டிருந்தார். அப்போது, எதிரே சென்னையை சேர்ந்த ஆனந்த் (47) என்பவர் ஓட்டி வந்த கார் பெரிய சாமி மீது மோதியது. இதில் பலத்த காயம் அடைந்த அவர் திருச்சிஅரசுமருத்துவமனையில்சேர்க்கப்பட்டார். அங்கு அவரது உடலை பரிசோதனைசெய்தடாக்டர்கள் அவர் ஏற்கனவே இறந்துவிட்டார் என தெரிவித்தனர். இது குறித்த புகாரின் பேரில் நவல்பட்டு போலீசார் வழக்குப்பதிவு செய்து விசாரணை நடத்தி வருகின்றனர்.