இருசக்கர வாகனங்கள் மோதல்; ஒருவர் பலி

சிங்கம்புணரி

சிங்கம்புணரியில் உள்ள நியூ காலனியை சேர்ந்தவர் வீரசிங்(வயது 62). இவர் இருசக்கர வாகனத்தில் திருப்பத்தூர் சாலை கூட்டுறவு சொசைட்டியில் உள்ள பால் பூத்துக்கு சென்று பால் வாங்கி விட்டு வந்து கொண்டிருந்தார். அப்போது மதுரை மாவட்டம் மேலூர் காட்டாம்பட்டியை சேர்ந்த விக்னேஷ் காட்டாம்பட்டியில் இருந்து திருப்பத்தூர் நோக்கி வந்தார். சிங்கம்புணரி அருகே வந்தபோது கண் இமைக்கும் நேரத்தில் இருசக்கர வாகனங்கள் இரண்டும் நேருக்கு நேர் மோதின. இதில் விக்னேஷ், வீரசிங் ஆகியோர் படுகாயம் அடைந்தனர். 108 ஆம்புலன்ஸ் மூலம் காயமடைந்த இருவரையும் சிங்கம்புணரி அரசு மருத்துவமனைக்கு கொண்டு சென்று முதலுதவி அளிக்கப்பட்டு மேல் சிகிச்சைக்காக மதுரைக்கு வீரசிங்கையும், சிவகங்கைக்கு விக்னேஷ்யையும் கொண்டு சென்றனர். ஆனால் மதுரை தனியார் மருத்துவமனையில் வீரசிங் சிகிச்சை பலனின்றி உயிரிழந்தார். இதுகுறித்து சிங்கம்புணரி போலீசார் வழக்குப்பதிவு செய்து விசாரணை நடத்தி வருகின்றனர்.