<
ஆட்டோக்கள் மோதல் 2-ம் வகுப்பு மாணவி பலி
திண்டிவனத்தில் ஆட்டோக்கள் மோதிய விபத்தில் 2-ம் வகுப்பு மாணவி உயிரிழந்தாள்.
திண்டிவனம்,
திண்டிவனம் அருகே உள்ள கீழ்மாவிலங்கை பஜனை கோவில் தெருவை சேர்ந்தவர் பாக்யராஜ். தற்போது குடும்பத்துடன், திண்டிவனம் வசந்தபுரத்தில் வசித்து வருகிறார்.
இவர், சாரம் பகுதி வட்டார வள மைய ஆசிரியர் பயிற்றுனராக உள்ளார். இவரது மகள் ஸ்ரீநிஷா(வயது 7). இவள், திண்டிவனம் புதுச்சேரி சாலையில் உள்ள ஒரு தனியார் பள்ளியில் 2-ம் வகுப்பு படித்து வந்தாள்.
வழக்கம்போல் ஸ்ரீநிஷா, தனது வீட்டில் இருந்து ஆட்டோவில் பள்ளிக்கு சென்று கொண்டிருந்தாள்.
இந்த ஆட்டோ திண்டிவனம் நகராட்சி அலுவலகம் அருகே சென்றபோது, எதிரே வந்த ஆட்டோ மோதியது. இதில் படுகாயமடைந்த ஸ்ரீநிஷாவை அக்கம்பக்கத்தினர் மீட்டு சிகிச்சைக்காக திண்டிவனம் அரசு ஆஸ்பத்திரியில் சேர்த்தனர். அங்கு அவளுக்கு முதலுதவி சிகிச்சை அளிக்கப்பட்டது.
பின்னர் மேல்சிகிச்சைக்காக அவள், புதுச்சேரி ஜிப்மர் ஆஸ்பத்திரியில் அனுமதிக்கப்பட்டாள். அங்கு டாக்டர்கள் தீவிர சிகிச்சை அளித்தும் பலனின்றி நேற்று முன்தினம் இரவு ஸ்ரீநிஷா பரிதாபமாக இறந்தாள்.
இது குறித்த புகாரின் பேரில் திண்டிவனம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
