<
சேத்துப்பட்டில் லாரி மோதி மோட்டார்சைக்கிளில் சென்ற வாலிபர் பலி
சேத்துப்பட்டில் லாரி மோதி மோட்டார்சைக்கிளில் சென்ற வாலிபர் பலியானார்.
சேத்துப்பட்டு
சேத்துப்பட்டு அருகில் உள்ள கொளக்கரவாடி மாரியம்மன் கோவில் தெருவைச் சேர்ந்தவர் வெங்கடேசனின் மகன் சூர்யா (வயது 19). இவர், நேற்று அதிகாலை மோட்டார்சைக்கிளில் கொளக்கரவாடியில் இருந்து சேத்துப்பட்டு-வந்தவாசி சாலை வழியாக சென்று கொண்டிருந்தார்.
அப்போது அந்த வழியாக எதிரே மதுரையில் இருந்து அலுமினிய பொருட்களை ஏற்றி கொண்டு வந்த ஒரு லாரி திடீரென சூர்யாவின் மோட்டார்சைக்கிள் மீது மோதியது. அதில் தூக்கி வீசப்பட்ட அவர் லாரியின் சக்கரத்தில் சிக்கி தலை நசுங்கி சம்பவ இடத்திலேயே பலியானார்.
இந்த விபத்து குறித்து தகவல் அறிந்த சேத்துப்பட்டு போலீஸ் சப்-இன்ஸ்பெக்டர் வரதராஜ் மற்றும் போலீசார் சம்பவ இடத்துக்கு வந்து பிணத்தைக் கைப்பற்றி ஆரணி அரசு மருத்துவமனைக்கு அனுப்பி வைத்தனர். மேலும் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire