<
கருங்கல்பாளையம் சந்தையில் பசுமாடு ரூ.65 ஆயிரத்துக்கு விற்பனை
கருங்கல்பாளையம் சந்தையில் பசுமாடு ரூ.65 ஆயிரத்துக்கு விற்பனையானது.
கருங்கல்பாளையம் சந்தையில் பசுமாடு ரூ.65 ஆயிரத்துக்கு விற்பனையானது.
மாட்டுச்சந்தை
ஈரோடு கருங்கல்பாளையம் பகுதியில் வாரந்தோறும் புதன் மற்றும் வியாழக்கிழமைகளில் மாட்டு சந்தை கூடி வருகிறது. அதன்படி நேற்று முன்தினம் கூடிய சந்தைக்கு 50 கன்று குட்டிகள் விற்பனைக்கு கொண்டு வரப்பட்டன. இதில் கன்றுகுட்டி ஒன்று ரூ.5 ஆயிரம் முதல் ரூ.15 ஆயிரம் வரை விற்பனையானது.
இந்த நிலையில் நேற்று வழக்கமான சந்தை கூடியது. இந்த சந்தைக்கு ஈரோடு, கரூர், நாமக்கல், திருப்பூர், திண்டுக்கல், சேலம், கோவை உள்ளிட்ட பல்வேறு மாவட்டங்களை சேர்ந்த விவசாயிகள் தங்களது மாடுகளை விற்பனைக்கு கொண்டு வந்திருந்தனர்.
650 மாடுகள்
450 பசு மாடுகளும், 200 எருமை மாடுகளும் என மொத்தம் 650 மாடுகள் விற்பனைக்கு வந்தன. இதில் எருமை மாடு ஒன்று ரூ.25 ஆயிரம் முதல் ரூ.45 ஆயிரம் வரையும், பசுமாடு ஒன்று ரூ.30 ஆயிரம் முதல் ரூ.65 ஆயிரம் வரையும் விற்பனையானது.
ஆந்திரா, கேரளா, கர்நாடகா, மராட்டியம் ஆகிய வெளிமாநிலங்களை சேர்ந்த வியாபாரிகளும், தமிழகத்தின் பல்வேறு மாவட்டங்களை சேர்ந்த வியாபாரிகளும் வந்து, விவசாயிகளிடம் நேரடியாக விலைபேசி மாடுகளை பிடித்து வாகனங்களில் ஏற்றி சென்றனர். 85 சதவீதம் மாடுகள் விற்பனை ஆனதாக சந்தை நிர்வாகிகள் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
