<
இலவச இணையதள பயிற்சி
திருவாரூர் மாவட்ட வேலைவாய்ப்பு அலுவலகத்தில் குரூப்-2, 2ஏ தேர்வுக்கு இலவச இணையதள பயிற்சி வகுப்புகள் தொடங்கப்பட்டுள்ளத
திருவாரூர்;
திருவாரூர் மாவட்ட வேலைவாய்ப்பு அலுவலகத்தில் குரூப்-2, 2ஏ தேர்வுக்கு இலவச இணையதள பயிற்சி வகுப்புகள் தொடங்கப்பட்டுள்ளது.
இது குறித்து திருவாரூர் மாவட்ட கலெக்டர் காயத்ரி கிருஷ்ணன் வெளியிட்டுள்ள செய்திக்குறிப்பில் கூறியிருப்பதாவது:-
பயிற்சி
திருவாரூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்படுத்தப்படும் தன்னார்வ பயிலும் வட்டம் மூலம் பல்வேறு போட்டி தேர்வுகளுக்கு இலவச பயிற்சி வகுப்புகள் நடத்தப்படுகிறது. தேர்வாளர்கள் வீட்டில் இருந்தபடி தேர்வுக்கு தயாராகி வரும் நிலையில் கிராம பகுதி மாணவர்கள் போட்டித்தேர்வுகளை எளிதில் எதிர்கொள்ளும் வகையில் ஆன்லைனில் உரிய இணையதள மேடை வாயிலாக பயிற்சி அளிக்க முடிவு செய்யப்பட்டு உள்ளது.
காணொலி வழி கற்றல்
http://tamilnadu careerservices. tn.gov.in. என்ற இணையதளத்தில் காணொலி வழி கற்றல், மின்னணு பாடக்குறிப்புகள், போட்டி தேர்வுக்கான பயிற்சிகள், மாதிரி தேர்வு வினாத்தாள் உள்ளிட்டவை இடம் பெற்றுள்ளன. தேர்வர்கள் தங்கள் பெயர், பாலினம், தந்தை மற்றும் தாய் பெயர், முகவரி, ஆதார் எண் மற்றும் வேலை வாய்ப்பக பதிவு எண்ணை கொடுத்து உள்ளே சென்று போட்டி தேர்வு என்பதை தேர்வு செய்ய வேண்டும்.
வேலைவாய்ப்பு அலுவலகம்
பயனீட்டாளர் பெயர் மற்றும் கடவுச்சொல் வழங்கப்படும். நாம் எந்த தேர்வுக்கு தயாராகிறோம் என்பதை தேர்வு செய்து அதில் வரும் பாடக்குறிப்புகளை தமிழ், ஆங்கிலத்தில் இலவசமாக பதிவிறக்கம் செய்து கொள்ளலாம். மாதிரி தேர்வுக்கான பகுதியும் கொடுக்கப்பட்டுள்ளது. மேலும் தமிழ்நாடு அரசு பணியாளர் தேர்வாணையத்தால் அறிவிக்கப்பட்டுள்ள குருப்-2, 2ஏ தேர்வுக்கு இலவசமாக திருவாரூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சார்பில் பயிற்சி வகுப்புகள் நடக்கிறது.
இப்பயிற்சி வகுப்பில் கலந்து கொள்ள விருப்பம் உள்ளவர்கள் திருவாரூர் மாவட்ட வேலைவாய்ப்பு அலுவலகத்தை நேரில் அணுகி பயன்பெறலாம். இவ்வாறு அந்த செய்திக்குறிப்பில் கூறப்பட்டு உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
