நெல்லை: மோட்டார் சைக்கிளில் இருந்து தவறி விழுந்த பெண் சாவு

நெல்லை:

நெல்லை அருகே உள்ள ராஜவல்லிபுரத்தை சேர்ந்தவர் நாகராஜன் மனைவி பேச்சியம்மாள் (வயது 35). கணவரை இழந்த இவர் பெற்றோருடன் வசித்து வந்தார். 

சம்பவத்தன்று பேச்சியம்மாள், தந்தை பூல்பாண்டியனுடன் தச்சநல்லூர் கரையிருப்பில் இருந்து மோட்டார் சைக்கிளில் ராஜவல்லிபுரம் நோக்கி சென்று கொண்டிருந்தார். அப்போது எதிர்பாராத விதமாக மோட்டார் சைக்கிளில் இருந்து பேச்சியம்மாள் தவறி விழுந்து பலத்த காயம் அடைந்தார். அவரை ஐகிரவுண்டு அரசு ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலன் அளிக்காமல் அவர் பரிதாபமாக இறந்தார். 

இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.