ஆட்டோ மோதி பெண் சாவு

செஞ்சி,

செஞ்சியை அடுத்த மேல்சேவூரை சேர்ந்தவர் நாராயணசாமி. இவரது மனைவி பொன்னம்மாள் (வயது 58). இவர் நேற்று முன்தினம் கல்லாங்குப்பம் பகுதியில் இருந்து மேல்சேவூர் நோக்கி சாலையோரம் நடந்து சென்று கொண்டிருந்தார். அப்போது எதிரே வந்த ஆட்டோ ஒன்று பொன்னம்மாள் மீது மோதியது.  இதில் பலத்த காயம் அடைந்த பொன்னம்மாளை அக்கம் பக்கத்தினர் மீட்டு சிகிச்சைக்காக செஞ்சி அரசு ஆஸ்பத்திரியில் சேர்த்தனர். பின்னர் மேல்சிகிச்சைக்காக முண்டியம்பாக்கம் அரசு ஆஸ்பத்திரியில் அனுமதிக்கப்பட்டார். அங்கு அவருக்கு டாக்டர்கள் சிகிச்சை அளித்தும், பலனின்றி பொன்னம்மாள் பரிதாபமாக இறந்தார். இதுகுறித்த புகாரின் பேரில் செஞ்சி போலீசார் வழக்குப்பதிவு செய்து விசாரணை நடத்தி வருகின்றனர்.