<
108 ஆம்புலன்சில் பெண்ணுக்கு குழந்தை பிறந்தது
கீழ்வேளூர் அருகே 108 ஆம்புலன்சில் பெண்ணுக்கு குழந்தை பிறந்தது.
சிக்கல்:
கீழ்வேளூர் அருகே மோகனூர் ஊராட்சி செண்பகபுரம் மேலதெருவை சேர்ந்தவர் பாலாஜி. இவருடைய மனைவி நீலாவதி (வயது 25). நிறைமாத கர்ப்பிணியாக இருந்த நீலாவதிக்கு நேற்று முன்தினம் இரவு பிரசவ வலி ஏற்பட்டது. உடனே மருத்துவ சிகிச்சைக்கு கொண்டு செல்ல 108 ஆம்புலன்சுக்கு தகவல் தெரிவித்தனர். அதன் பேரில் சம்பவ இடத்துக்கு வந்த 108 ஆம்புலன்சில் நீலாவதியை ஏற்றிக்கொண்டு தேவூர் அரசு ஆரம்ப சுகாதார நிலையத்திற்கு சென்றனர். அப்போது சுகாதார நிலையத்திற்கு செல்லும் வழியில் 108 ஆம்புலன்சிலேயே நீலாவதிக்கு அழகான பெண் குழந்தை பிறந்தது. பின்னர் தாய் மற்றும் சேயையும் தேவூர் அரசு ஆரம்ப சுகாதார நிலையத்தில் சேர்த்தனர். 108 ஆம்புலன்சிலேயே பெண்ணுக்கு பிரசவம் பார்த்த மருத்துவ உதவியாளர் ஆனந்தையும், டிரைவர் பாலகுமாரையும் அந்த பகுதி பொதுமக்கள் பாராட்டினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
