அ.தி.மு.க.வினர் ஆர்ப்பாட்டம்

மயிலாடுதுறை:-

முன்னாள் அமைச்சர் ஜெயக்குமார் கைது செய்யப்பட்டதை கண்டித்து மயிலாடுதுறை உதவி கலெக்டர் அலுவலகம் முன்பு அ.தி.மு.க. சார்பில் ஆர்ப்பாட்டம் நடந்தது. ஆர்ப்பாட்டத்திற்கு மாவட்ட செயலாளர் பவுன்ராஜ் தலைமை தாங்கினார். முன்னாள் எம்.எல்.ஏ. ராதாகிருஷ்ணன் முன்னிலை வகித்தார். ஆர்ப்பாட்டத்தில் முன்னாள் அமைச்சர் ஜெயக்குமார் கைது செய்யப்பட்டதை கண்டித்து கோஷங்கள் எழுப்பப்பட்டன. இதில் முன்னாள் எம்.எல்.ஏ.க்கள் பாரதி, சக்தி, மாவட்ட துணை செயலாளர் செல்லையன், நகர செயலாளர் செந்தமிழன், மாவட்ட இளைஞரணி செயலாளர் நாஞ்சில் கார்த்திக், மாவட்ட ஜெயலலிதா பேரவை இணைச்செயலாளர் முருகவேல் மற்றும் பலர் கலந்து கொண்டனர். முடிவில் தெற்கு ஒன்றிய செயலாளர் சந்தோஷ்குமார் நன்றி கூறினார்.