<
சென்னை விமான நிலையத்தில் பாதுகாப்பு படை வீரர் தற்கொலை
பிரேத பரிசோதனை முடிவில் யாஷ்பால் தற்கொலை செய்துகொண்டதாக அதிகாரிகள் தெரிவித்தனர்.
சென்னை,
மத்திய தொழில் பாதுகாப்புப் படையைச் சேர்ந்தவர் யாஷ்பால் (26). இவர் ராஜஸ்தான் மாநிலத்தை சேர்ந்தவர். 2017 ஆம் ஆண்டு பணியில் சேர்ந்த இவர் சென்னை விமான நிலையத்தில் சிஐஎஸ்எப் பிரிவில் பணியாற்றி வந்தார்.
இந்த நிலையில் இன்று காலை காலை 7.30 மணியளவில் இவர் சென்னை சர்வதேச விமான நிலையத்தின் கழிவறையில் இறந்து கிடந்தார் . இதை கண்டு அதிர்ச்சி அடைந்த சக வீரர்கள் உடனடியாக இந்திய விமான நிலைய அதிகாரிகளுக்கு தகவல் தெரிவித்தனர்.
சம்பவ இடத்திற்கு விரைந்து வந்த அதிகாரிகள் யாஷ்பால் உடலை பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
பிரேத பரிசோதனை முடிவில் யாஷ்பால் துப்பாக்கியால் தன்னை தானே சுட்டு தற்கொலை செய்துகொண்டதாக அதிகாரிகள் தெரிவித்தனர்.
இயற்கைக்கு மாறான மரணத்திற்காக குற்றவியல் நடைமுறைச் சட்டம் 174 பிரிவின் கீழ் வழக்குப் பதிவு செய்து காவல் துறையினர் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
