<
கொளுத்தும் வெயிலை சமாளிக்க போக்குவரத்து போலீசாருக்கு பழச்சாறு-மோர்
கொளுத்தும் வெயிலை சமாளிக்க போக்குவரத்து போலீசாருக்கு பழச்சாறு,மோர் வழங்கும் நிகழ்ச்சி திண்டுக்கல் கல்லறை தோட்டம் அருகே நடந்தது
திண்டுக்கல்:
ஒவ்வொரு நாளும் வாகனங்களின் எண்ணிக்கை அதிகரித்து கொண்டே இருக்கிறது. இதனால் பெரும்பாலான சாலைகளில் போக்குவரத்து நெரிசல் ஏற்படுவது தவிர்க்க முடியாததாகி விட்டது.
இந்த வாகன நெரிசலை சரிசெய்து போக்குவரத்தை சீரமைக்கும் பணியில் போக்குவரத்து போலீசார் ஈடுபடுகின்றனர். இதற்காக கொளுத்தும் வெயிலையும் பொருட்படுத்தாமல் அவர்கள் பணியாற்றுகின்றனர். இதனால் வெயிலை சமாளிக்கும் வகையில், கோடைகாலத்தில் போக்குவரத்து போலீசாருக்கு மோர், பழச்சாறு வழங்கப்பட்டு வருகிறது.
இதற்கிடையே தற்போது கோடைவெயில் கொளுத்தி வருகிறது. எனவே திண்டுக்கல் மாவட்டத்தில் பணியாற்றும் போக்குவரத்து போலீசாருக்கு நேற்று முதல் மோர், பழச்சாறு வழங்கப்பட்டு வருகிறது.
இதன் தொடக்க நிகழ்ச்சி திண்டுக்கல் கல்லறை தோட்டம் அருகே நேற்று நடைபெற்றது. இதில் மாவட்ட போலீஸ் சூப்பிரண்டு சீனிவாசன் கலந்து கொண்டு போக்குவரத்து போலீசாருக்கு பழச்சாறு, மோர் வழங்கினார். இதில் திண்டுக்கல் நகர் போலீஸ் துணை சூப்பிரண்டு கோகுலகிருஷ்ணன், போக்குவரத்து சப்-இன்ஸ்பெக்டர்கள் பழனிச்சாமி, பனையராஜா உள்பட பலர் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
