<
வேன்-மோட்டார் சைக்கிள் மோதல்; விவசாயி பலி
சங்கரன்கோவில் அருகே வேன் - மோட்டார் சைக்கிள் மோதியதில் விவசாயி பலியானார்.
சங்கரன்கோவில்:
சங்கரன்கோவில் அருகே ஆட்கொண்டார்குளத்தைச் சேர்ந்தவர் முருகன் (வயது 50). விவசாயியான இவர் நேற்று முன்தினம் இரவில் மோட்டார் சைக்கிளில் சங்கரன்கோவில்- புளியங்குடி சாலையில் தனியார் பெட்ரோல் பங்க் அருகில் சென்று கொண்டிருந்தார்.
அப்போது தனியார் நூற்பாலைக்கு பணியாளர்களை ஏற்றிச் சென்ற வேன் எதிர்பாராதவிதமாக மோட்டார் சைக்கிளின் மீது மோதியது. இதில் சாலையில் தூக்கி வீசப்பட்டதில் பலத்த காயமடைந்த முருகன் சம்பவ இடத்திலேயே பரிதாபமாக இறந்தார்.
இதுகுறித்து தகவல் அறிந்ததும், சங்கரன்கோவில் டவுன் போலீசார் விரைந்து சென்று, இறந்த முருகனின் உடலைக் கைப்பற்றி பிரேத பரிசோதனைக்காக சங்கரன்கோவில் அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். இறந்த முருகனுக்கு சண்முகத்தாய் என்ற மனைவியும், ஒரு மகளும் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
