திருமயம் அருகே மாட்டு வண்டி பந்தயம்

புதுக்கோட்டை மாவட்டம் திருமயம் அருகே உள்ள அரண்மனைப்பட்டி குருந்துடைய அய்யனார் கோவிலில் சிவராத்திரி விழாவையொட்டி மாட்டுவண்டி பந்தயம் நேற்று காலை 6 மணியளவில் நடைபெற்றது. இதில் புதுக்கோட்டை, அறந்தாங்கி, திருச்சி, மதுரை, சிவகங்கை, காரைக்குடி உள்ளிட்ட பகுதிகளில் இருந்து பெரிய மாடுகள் பிரிவில் 10 ஜோடி மாடுகளும், சிறிய மாடுகள் பிரிவில் 23 ஜோடி மாடுகளும் கலந்து கொண்டன.

பொரிய மாடுகளுக்கு 8 மைல் தூரமும், சிறிய மாடுகளுக்கு 6 மைல் தூரமும் என போட்டி தூரம் நிர்ணயிக்கப்பட்டிருந்தது. இதில் பெரிய மாடு பிரிவில் முதல் பரிசை வடகுடி நெல்லியாண்டவர், 2-ம் பரிசை அரண்மனைப்பட்டி சரவணன்பிரபு, 3-ம் பரிசை பட்டாங்காடு ராக்காயி, 4-ம் பரிசு கோனாபட்டு சின்னகாளை ஆகியோருக்கு சொந்தமான மாடுகள் வென்றன.

இதனை தொடர்ந்து நடைபெற்ற சிறிய மாடுகள் பிரிவில் அதிகளவு மாட்டுவண்டிகள் கலந்து கொண்டதால் இரு பிரிவாக பந்தயம் நடத்தப்பட்டது. இதில் முதல் பரிசு அரண்மனைப்பட்டி சரவணன்பிரபு, நல்லாங்குடி சசிகுமார், 2-ம் பரிசு அரிமளம் அய்யப்பன், காணாடுகாத்தான் அருள், 3-ம் பரிசு கொத்தாரிகுளக்கரை நாச்சியார், விராமதி சாதனா, 4-ம் பரிசு நல்லாங்குடி சசிகுமார், அரண்மனைப்பட்டி துரைச்சாமி ஆகியோருக்கு சொந்தமான மாடுகள் வெற்றன.

பந்தயத்தில் வெற்றி பெற்ற மாட்டின் உரிமையாளருக்கு ரொக்க பரிசு வழங்கப்பட்டன. போட்டி நடைபெற்ற நேமத்தான்பட்டி-கோனாபட்டு சாலையில் இருபுறமும் திரளான ரசிகர்கள் வந்திருந்து பந்தையத்தை கண்டு ரசித்தனர். போட்டிக்கான ஏற்பாடுகளை அரண்மனைபட்டி ஊர் பொதுமக்கள் மற்றும் இளைஞர்கள் செய்திருந்தனர்.