விழிப்புணர்வு ஊர்வலம்

சாத்தூர், 

சாத்தூரில் வாக்களிப்பதன் அவசியம் குறித்து பொதுமக்களுக்கு விழிப்புணர்வு ஏற்படுத்தும் வகையில் சாத்தூர் ஆயிர வைசிய மேல்நிலைப்பள்ளியில் இருந்து சாத்தூர் பஸ் நிலையம் வரை பள்ளி மாணவர்கள் விழிப்புணர்வு பதாகைகளை ஏந்தி ஊர்வலமாக சென்றனர். இந்த மாணவர்களின் ஊர்வலத்தை சாத்தூர் வட்டாட்சியர் சீதாலட்சுமி, தேர்தல் வட்டாட்சியர் ராஜாமணி ஆகியோர் தொடங்கி வைத்தனர். இதில் பொதுமக்கள் அனைவரும் கட்டாயம் 100 சதவீதம்  வாக்களிக்க வேண்டும் என்றும் வாக்களிப்பதின் அவசியம் குறித்தும் வலியுறுத்தப்பட்டது. விழிப்புணர்வு ஊர்வலத்தில் பள்ளி மாணவர்கள் மற்றும் ஆசிரியர்கள் கலந்து கொண்டனர்.