மினிபஸ்சை வழிமறித்து தகராறு செய்த 7 சிறுவர்கள் மீது வழக்கு

தூத்துக்குடி தாளமுத்துநகர் பெரியசெல்வம் நகரை சேர்ந்தவர் மோகன்தாஸ் (வயது 48). இவர் நேற்று முன்தினம் பூப்பாண்டியாபுரம் பகுதியில் மோட்டார் சைக்கிளில் சென்று கொண்டு இருந்தார். அப்போது அங்கு வந்த 17 வயது நிரம்பிய சிறுவர்கள் 3 பேர், 19 வயது நிரம்பிய 2 பேர் உள்பட 7 பேர் மோகன்தாசை வழிமறித்து உள்ளனர். அதே நேரத்தில் அங்கு வந்த மினிபஸ்சையும் வழிமறித்து தகராறு செய்து உள்ளனர். இதனை தட்டிக் கேட்ட மோகன்தாசை அரிவாளால் தாக்கி கொலை மிரட்டல் விடுத்தார்களாம்.

இது குறித்த புகாரின் பேரில் தாளமுத்துநகர் போலீஸ் இன்ஸ்பெக்டர் ஜெயந்தி, அந்த 7 சிறுவர்கள் மீதும் வழக்கு பதிவு செய்து விசாரணை நடத்தி வருகிறார்.