ஊட்டச்சத்து விழிப்புணர்வு போட்டி; திருவள்ளூர் மாவட்ட கலெக்டர் பங்கேற்பு

திருவள்ளூரில் உள்ள மாவட்ட கலெக்டர் அலுவலக வளாகத்தில் உள்ள மாவட்ட ஊரக வளர்ச்சி கூட்டரங்கில் தமிழ்நாடு மகளிர் நல மேம்பாட்டு நிறுவனம் மற்றும் தமிழ்நாடு மாநில ஊரக வாழ்வாதார இயக்கம் சார்பாக மாவட்ட அளவிலான ஊட்டச்சத்து விழிப்புணர்வு போட்டிகள் நடைபெற்றது. இந்த நிகழ்ச்சியை திருவள்ளூர் மாவட்ட கலெக்டர் டாக்டர் ஆல்பி ஜான் வர்கீஸ் தலைமை தாங்கி தொடங்கி வைத்தார். அப்போது மகளிர் சுய உதவிக் குழுவினரால் தயாரிக்கப்பட்ட ஊட்டச்சத்து உணவுகளை ருசி பார்த்தார். அதைத்தொடர்ந்து ஊட்டச்சத்து போட்டிகளில் வெற்றி பெற்ற மகளிர் சுய உதவிக் குழுவினருக்கு சான்றிதழ்கள் மற்றும் காசோலைகளை வழங்கினார்.

அவருடன் மாவட்ட ஊரக வளர்ச்சி முகமையின் திட்ட இயக்குனர் ஜெயக்குமார், தமிழ்நாடு மாநில ஊரக வாழ்வாதார இயக்க திட்ட இயக்குனர் மல்லிகா, மாவட்ட சமூகநல அலுவலர் ஹிதயத்துன் நூரியா, குழந்தைகள் வளர்ச்சி திட்ட அலுவலர் கிருஷ்ணவேணி, மாநில பயிற்றுநர் உஷாராணி, மகளிர் உதவி திட்ட அலுவலர்கள் கல்பனா, ராமதாஸ், ராஜேஷ் மற்றும் அரசு அலுவலர்கள் பலர் கலந்து கொண்டனர்.