<
குளத்தில் மண்டிக்கிடக்கும் ஆகாயத்தாமரை செடிகள் அகற்றப்படுமா?
திட்டச்சேரி அருகே குளத்தில் மண்டிக்கிடக்கும் ஆகாயத்தாமரை செடிகள் அகற்றப்படுமா? என கிராம மக்கள் எதிர்பார்த்துள்ளனர்.
திட்டச்சேரி:
திட்டச்சேரி அருகே குளத்தில் மண்டிக்கிடக்கும் ஆகாயத்தாமரை செடிகள் அகற்றப்படுமா? என கிராம மக்கள் எதிர்பார்த்துள்ளனர்.
மண்டிகிடக்கும் ஆகாயத்தாமரை
திருமருகல் ஒன்றியம் எரவாஞ்சேரி ஊராட்சி தேவங்குடி கிராமத்தில் 100-க்கும் மேற்பட்ட குடும்பத்தினர் வசித்து வருகின்றனர். இந்த கிராமத்தில் பெரியக்குளம் என்ற குளம் உள்ளது. இந்த குளத்தை அப்பகுதி மக்கள் குளிப்பதற்கு மற்றும் பல்வேறு பயன்பாட்டிற்காகவும் பயன்படுத்தி வந்தனர். மேலும் கோடை காலத்தில் முக்கிய நீர்நிலை ஆதாரமாகவும் இருந்து வந்தது.இந்த நிலையில் தற்போது பெரியகுளத்தில் ஆகாயத் தாமரை செடிகள் மண்டி தண்ணீர் இருப்பதே தெரியவில்லை. குளத்தில் புதர் மண்டி கிடப்பதால் பாம்பு, பூச்சி உள்ளிட்ட விஷ ஜந்துகள் உள்ளன.
துர்நாற்றம்
மேலும் குளத்தில் துர்நாற்றம் வீசுகிறது. இதனால் பொதுமக்கள் குளத்தை பயன்படுத்த முடியாத நிலை ஏற்பட்டுள்ளது. இந்த குளம் சுமார் 10 ஆண்டுகளுக்கு முன்பு அனைத்து கிராம அண்ணா மறுமலர்ச்சி திட்டத்தின் கீழ் தூர்வாரப்பட்டு படிக்கட்டுகள் அமைக்கப்பட்டது.
அதன் பின்னர் எந்த பராமரிப்பும் இன்றி உள்ளது. இதனால் அப்பகுதியில் உள்ள மக்கள் குளிக்க மற்றும் பல்வேறு பயன்பாட்டிற்கு தண்ணீர் இ்ன்றி அவதிப்பட்டு வருகின்றனர்.
நடவடிக்கை
இதுகுறித்து பலமுறை சம்பந்தப்பட்ட அதிகாரிகளிடம் புகார் அளித்தும், இதுவரை எந்தவித நடவடிக்கையும் எடுக்கப்படவில்லை என அப்பகுதி கிராம மக்கள் வேதனை தெரிவிக்கின்றனர்.
எனவே சம்பந்தப்பட்ட துறை அதிகாரிகள் உடன் நடவடிக்கை எடுத்து பெரியகுளத்தில் மண்டிக்கிடக்கும் ஆகாயத்தாமரை செடிகளை அகற்ற வேண்டும் என கிராம மக்கள் எதிர்பார்த்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
