புகையிலை பொருட்கள் விற்ற 4 பேர் கைது

கரூர் பசுபதிபாளையம் போலீஸ் நிலையத்திற்கு உட்பட்ட காந்திகிராமம், புலியூர், ராமானுஜர் நகர் உள்ளிட்ட பகுதியில் உள்ள பல்வேறு கடைகளில் தமிழக அரசால் தடை செய்யப்பட்ட புகையிலை பொருட்கள் விற்பனை செய்யப்படுவதாக போலீசாருக்கு ரகசிய தகவல் கிடைத்தது. அதன்பேரில் சப்-இன்ஸ்பெக்டர் சந்திரசேகர் தலைமையிலான போலீசார் அப்பகுதியில் உள்ள கடைகளில் தீவிர சோதனை நடத்தினர். அப்போது, புகையிலை பொருட்கள் விற்ற நம்பிராஜன் (வயது 55), பெரியசாமி (52), கனகராஜ் (35), முருகவேல் (37) ஆகிய 4 பேரை போலீசார் கைது செய்தனர். மேலும் விற்பனைக்காக வைக்கப்பட்டிருந்த புகையிலை பொருட்கள் பறிமுதல் செய்யப்பட்டன.