<
ராயக்கோட்டை அருகே புளியமரத்தில் மோட்டார் சைக்கிள் மோதி மெக்கானிக் பலி உறவினர் படுகாயம்
ராயக்கோட்டை அருகே புளியமரத்தில் மோட்டார் சைக்கிள் மோதி மெக்கானிக் பலியானார். இவருடைய உறவினர் படுகாயம் அடைந்தார்.
ராயக்கோட்டை:
ராயக்கோட்டை அருகே புளியமரத்தில் மோட்டார் சைக்கிள் மோதி மெக்கானிக் பலியானார். இவருடைய உறவினர் படுகாயம் அடைந்தார்.
கார் மெக்கானிக்
தர்மபுரி மாவட்டம் பாலக்கோடு அருகே உள்ள ஜோதிப்பட்டியை சேர்ந்தவர் ரங்கநாதன். இவருடைய மகன் பிரசாந்த் (வயது 31). கார் மெக்கானிக். இவர் ஓசூரில் கார் மெக்கானிக் பட்டறை வைத்து இருந்தார். நேற்று முன்தினம் இரவு இவர், உறவினர் முனிசாமி (25) என்பவருடன் மோட்டார்சைக்கிளில் சென்றார்.
ராயக்கோட்டை பக்கமுள்ள பிள்ளாரிஅக்ரகாரம் முனியப்பன் கோவில் அருகே சென்றபோது நிலை தடுமாறி சாலையோரம் இருந்த புளியமரத்தில் மோட்டார் சைக்கிள் மோதியது. இந்த விபத்தில் பிரசாந்த் சம்பவ இடத்திலேயே இறந்தார். முனிசாமி படுகாயம் அடைந்தார்.
போலீசார் விசாரணை
உடனே அக்கம் பக்கத்தினர் அவரை மீட்டு சிகிச்சைக்காக ஓசூர் அரசு ஆஸ்பத்திரிக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்படுகிறது. இந்த விபத்து குறித்து தகவல் அறிந்ததும் ராயக்கோட்டை போலீசார் விரைந்து சென்று பிரசாந்த்தின் உடலை கைப்பற்றி பிரேத பரிசோதனைக்காக தேன்கனிக்கோட்டை அரசு ஆஸ்பத்திரிக்கு அனுப்பி வைத்தனர்.
இது குறித்து போலீஸ் இன்ஸ்பெக்டர் சுப்பிரமணி வழக்குப்பதிவு செய்து விசாரணை நடத்தி வருகிறார். விபத்தில் இறந்த பிரசாந்திற்கு திருமணமாகி பத்மா என்ற மனைவியும், குழந்தைகளும் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
