விவசாயி விபத்தில் பலி

புதுக்கோட்டை மாவட்டம் குளத்தூர் தாலுகா ஆவூர் பகுதியை சேர்ந்தவர் முருகேசன் (வயது 42), விவசாயி.  சம்பவத்தன்று இவர் திருச்சி அலுந்தூர் பகுதிக்கு சொந்த வேலையாக மோட்டார் சைக்கிளில் சென்று கொண்டிருந்தார். ரிங் ரோடு பகுதியில் வந்தபோது எதிர்பாராத விதமாக நிலைதடுமாறி கீழே விழுந்தார். அவருக்கு தலையில் பலத்த காயம் ஏற்பட்டது. திருச்சி அரசு மருத்துவமனையில் சேர்க்கப்பட்டு இருந்த முருகேசன் நேற்று சிகிச்சை பலன் இன்றி இறந்தார். இந்த சம்பவம் குறித்து தெற்கு போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.