சைக்கிள் திருடியவர் கைது

சேரன்மாதேவி:

வீரவநல்லூர் ரெங்கநாதசாமி கோவில் வடக்கு தெருவை சேர்ந்தவர் சந்தனகுமார் (வயது 27). சம்பவத்தன்று இவர் தனது வீட்டின் முன்பு சைக்கிளை நிறுத்தி விட்டு வீட்டிற்குள் சென்றார். திரும்பி வெளியே வந்து பார்த்தபோது சைக்கிளை காணவில்லை. பின்னர் அவர் சைக்கிளை தேடி பார்த்தபோது, பழைய இரும்பு கடையில் வீரவநல்லூர் தெற்கு தெருவை சேர்ந்த பொன்ராஜ் (55) என்பவர், சைக்கிளை விற்க முயற்சி செய்தது தெரியவந்தது. இதையடுத்து சந்தனகுமார் அவரை பிடித்து வீரவநல்லூர் போலீசில் ஒப்படைத்தார். இதுகுறித்த புகாரின் பேரில் போலீசார் வழக்குப்பதிவு செய்து பொன்ராஜை கைது செய்தனர்.