<
சென்னையில் இருந்து சரக்கு ரெயிலில் 1,456 டன் யூரியா தஞ்சை வந்தது
சென்னையில் இருந்து சரக்கு ரெயிலில் 1,456 டன் யூரியா உரம் தஞ்சை வந்தது. இந்த உர மூட்டைகள் தஞ்சையில் இருந்து 7 மாவட்டங்களுக்கு லாரிகளில் அனுப்பப்பட்டது.
தஞ்சாவூர்:-
சென்னையில் இருந்து சரக்கு ரெயிலில் 1,456 டன் யூரியா உரம் தஞ்சை வந்தது. இந்த உர மூட்டைகள் தஞ்சையில் இருந்து 7 மாவட்டங்களுக்கு லாரிகளில் அனுப்பப்பட்டது.
நெற்களஞ்சியம்
தமிழகத்தின் நெற்களஞ்சியமாக ஒருங்கிணைந்த தஞ்சை மாவட்டத்தில் குறுவை, சம்பா, தாளடி என 3 போகம் நெல் சாகுபடி நடைபெறும். இது தவிர உளுந்து, கரும்பு, வாழை, வெற்றிலை, பருத்தி, எள், மக்காச்சோளம், மரவள்ளிக்கிழங்கு உள்ளிட்டவையும் சாகுபடி செய்யப்படும்.
இதற்கு தேவையான உரங்கள் வெளி மாநிலங்களில் இருந்து வரவழைக்குப்பட்டு இருப்பு வைக்கப்பட்டு வேளாண் கூட்டுறவு சங்கங்கள் மற்றும் தனியார் உர விற்பனை நிலையங்கள் மூலம் விற்பனை செய்யப்பட்டு வருகிறது. அதன்படி தற்போது சம்பா, தாளடி அறுவடை முடிந்து கோடை நெல் சாகுபடி செய்வதற்கான ஆயத்த பணிகளில் விவசாயிகள் ஈடுபட்டு வருகிறார்கள்.
1,456 டன் யூரியா உரம்
அதன்படி நேற்று சென்னை மணலியில் இருந்து சரக்கு ரெயிலின் 25 வேகன்களில் 1,456 டன் யூரியா தஞ்சை ரெயில் நிலையத்துக்கு வந்தது. தஞ்சையில் இருந்து உர மூட்டைகள் லாரிகளில் ஏற்றப்பட்டு தஞ்சை, நாகை, திருவாரூர், மயிலாடுதுறை, புதுக்கோட்டை, திருச்சி, பெரம்பலூர் ஆகிய 7 மாவட்டங்களுக்கு கொண்டு செல்லப்பட்டன.
இந்த உரமூட்டைகள் தனியார் உர விற்பனை நிலையங்களுக்கு அனுப்பப்பட்டுள்ளன. பருத்தி சாகுபடி மற்றும் கோடை நெல் சாகுபடிக்கு பயன்படுத்தும் வகையில் இந்த உரம் வரவழைக்கப்பட்டு அனுப்பப்பட்டு உள்ளது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
