<
புதுச்சேரியில் இருந்து 27-ந்தேதி முதல் மீண்டும் விமான சேவை தொடக்கம்
புதுச்சேரியில் இருந்து வருகிற 27-ந்தேதி முதல் விமான சேவை மீண்டும் தொடங்க உள்ள நிலையில் டிக்கெட் முன்பதிவு தொடங்கியுள்ளது.
புதுச்சேரி, மார்ச்.9-
புதுச்சேரியில் இருந்து வருகிற 27-ந்தேதி முதல் விமான சேவை மீண்டும் தொடங்க உள்ள நிலையில் டிக்கெட் முன்பதிவு தொடங்கியுள்ளது.
விமான சேவை
புதுவையில் கொரோனா தொற்று காரணமாக விமான சேவை நிறுத்தி வைக்கப்பட்டிருந்தது. தற்போது தொற்று குறைந்த நிலையில் மீண்டும் விமான சேவையை தொடங்க முதல்-அமைச்சர் ரங்கசாமி, சுற்றுலா துறை அமைச்சர் லட்சுமிநாராயணன் ஆகியோர் நடவடிக்கை எடுத்தனர்.
இதைத்தொடர்ந்து வருகிற 27-ந்தேதி முதல் ஸ்பைஸ் ஜெட் நிறுவனம் சார்பில் மீண்டும் விமான சேவை தொடங்கப்பட உள்ளது. இதற்கான முன்பதிவு நேற்று தொடங்கியது.
இதன்படி பெங்களூரு, ஐதராபாத்துக்கு மீண்டும் விமான சேவை நடைபெற உள்ளது. வருகிற 27-ந்தேதி புதுச்சேரி வரும் விமானத்தை முதல்-அமைச்சர் ரங்கசாமி, அமைச்சர் லட்சுமிநாராயணன் ஆகியோர் வரவேற்கிறார்கள்.
பெங்களூரு- ஐதராபாத்
ஐதராபாத்தில் இருந்து பகல் 12.05 மணிக்கு புறப்படும் விமானம் மதியம் 1.30 மணிக்கு புதுச்சேரியை வந்தடைகிறது. இங்கிருந்து 1.50 மணிக்கு புறப்படும் விமானம் 2.50 மணிக்கு பெங்களூருவை சென்றடைகிறது.
அங்கிருந்து 3.20 மணிக்கு புறப்படும் விமானம் 4.10 மணிக்கு புதுச்சேரி வருகிறது. புதுவையில் இருந்து மாலை 4.30 மணிக்கு புறப்படும் விமானம் 6.15 மணிக்கு ஐதராபாத்தை சென்றடைகிறது.
----_____
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
