ஏடிஎம் எந்திரத்தில் கிடந்த பணத்தை போலீஸ் நிலையத்தில் ஒப்படைத்த வாலிபர்களுக்கு பாராட்டு

வேப்பனப்பள்ளி:

கிருஷ்ணகிரி மாவட்டம் வேப்பனப்பள்ளி அருகே உள்ள ராமர் கோவில் பகுதியை சேர்ந்தவர் மாருதி (வயது22). இவருடைய நண்பர் கோவிந்தராஜ்(22). இவர்கள் 2 பேரும் வேப்பனப்பள்ளியில் காந்தி சிலை அருகில் உள்ள தனியார் ஏ.டி.எம். மையத்தில் பணம் எடுக்க சென்றனர். அப்போது எந்திரத்தில் ஏற்கனவே ரூ.1,500 வெளியே கிடந்தது. பணம் எடுக்க வந்தவர் யாரோ அதை எடுக்காமல் விட்டு சென்றது தெரியவந்தது. இதையடுத்து அந்த வாலிபர்கள் பணத்தை எடுத்து  வேப்பனப்பள்ளி போலீஸ் நிலையத்தில் ஒப்படைத்தனர். அவர்களை போலீசார் பாராட்டினர்.