<
காளை முட்டி குடல் சரிந்த தொழிலாளி சாவு
வடமதுரை அருகே நடந்த ஜல்லிக்கட்டை வேடிக்கை பார்த்தபோது காளை முட்டி குடல் சரிந்த தொழிலாளி பரிதாபமாக இறந்தார்
வடமதுரை:
திண்டுக்கல் அருகே உள்ள இரண்டலப்பாறை பகுதியை சேர்ந்தவர் சகோவுராஜா(வயது 39). கட்டிட தொழிலாளி. இவர் நேற்று வடமதுரை அருகே பில்லமநாயக்கன்பட்டியில் நடந்த ஜல்லிக்கட்டை வேடிக்கை பார்க்க சென்றிருந்தார்.
அப்போது ஜல்லிக்கட்டு போட்டியில் இருந்து தப்பி ஓடிய ஒரு காளை சகோவுராஜாவை முட்டி தள்ளியது. இதில் குடல் சரிந்த அவரை அருகில் இருந்தவர்கள் மீட்டு திண்டுக்கல் அரசு மருத்துவமனையில் சிகிச்சைக்கு சேர்த்தனர். இந்தநிலையில் அங்கு சிகிச்சை பலனின்றி அவர் பரிதாபமாக உயிரிழந்தார்.
இதுகுறித்து வடமதுரை போலீஸ் சப்-இன்ஸ்பெக்டர் பவுல்ராஜ் வழக்குப்பதிவு செய்து விசாரணை நடத்தி வருகிறார்.இறந்த சகோவுராஜாவுக்கு, சகோமிசாராள் (38) என்ற மனைவியும், சுவேதா (18) என்ற மகளும் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
