மூதாட்டியிடம் 4 பவுன் தங்க சங்கிலி பறிப்பு

சேலம்:-

சேலம் மூங்கில்பாடி தெருவை சேர்ந்தவர் பத்மாவதி (வயது 73). இவர் நேற்று மாலை பஜனை மடம் தெரு பகுதியில் நடைபயிற்சி சென்றார். அப்போது அவரது பின்னால் மோட்டார் சைக்கிளில் வந்த மர்ம நபர் திடீரென்று மூதாட்டி கழுத்தில் அணிந்திருந்த 4 பவுன் தங்க சங்கிலியை பறித்துக்கொண்டு சென்று விட்டார். இதுகுறித்து அவர் செவ்வாய்பேட்டை போலீசில் புகார் செய்தார். அதன்பேரில் போலீசார் சம்பவ இடத்திற்கு சென்று விசாரணை நடத்தினர். பின்னர் வழக்குப்பதிவு செய்து மர்ம நபரை தேடி வருகின்றனர்.