<
மாவட்டத்தில் இன்று 422 முகாம்களில் கொரோனா தடுப்பூசி-கலெக்டர் ஸ்ரேயாசிங் தகவல்
நாமக்கல் மாவட்டதில் இன்று 422 முகாம்களில் கொரோனா தடுப்பூசி செலுத்தப்படுவதாக கலெக்டர் ஸ்ரேயாசிங் தெரிவித்துள்ளார்.
நாமக்கல்:
இதுதொடர்பாக அவர் வெளியிட்டுள்ள செய்திக்குறிப்பில் கூறியிருப்பதாவது:-
கொரோனா தடுப்பூசி முகாம்
நாமக்கல் மாவட்டத்தில் இன்று (சனிக்கிழமை) 24-வது கட்டமாக மாபெரும் கொரோனா தடுப்பூசி முகாம் நடைபெறுகிறது. ஆரம்ப சுகாதார நிலையங்கள், அரசு ஆஸ்பத்திரிகள், ஊட்டச்சத்து மையங்கள் என 401 நிலையான முகாம்களிலும், 21 நடமாடும் குழுக்கள் மூலமும் மொத்தம் 422 முகாம்களில் கொரோனா தடுப்பூசி செலுத்தப்பட உள்ளது.
காலை 9 மணி முதல் மாலை 5 மணி வரை முகாம் நடைபெறும். இதில் சுமார் ஒரு லட்சம் பேருக்கு தடுப்பூசி செலுத்த இலக்கு நிர்ணயிக்கப்பட்டு உள்ளது.
7 லட்சத்து 37 ஆயிரம் பேர்
டாக்டர்கள், செவிலியர்கள், ஆசிரியர்கள், பயிற்சி செவிலியர்கள் மற்றும் பயிற்சி சுகாதார ஆய்வாளர்கள் என 5 ஆயிரத்திற்கும் மேற்பட்டோர் முகாம் பணிகளில் ஈடுபட உள்ளனர். நாமக்கல் மாவட்டத்தில் ஏற்கனவே நடந்து முடிந்த 23 சிறப்பு தடுப்பூசி முகாம்களில் 7 லட்சத்து 37 ஆயிரத்து 792 பேருக்கு கொரோனா தடுப்பூசி செலுத்தப்பட்டு உள்ளது.
இவ்வாறு அதில் அவர் கூறியுள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
