<
கச்சத்தீவு அந்தோணியார் ஆலய திருவிழா ெதாடங்கியது
கச்சத்தீவு புனித அந்தோணியார் ஆலய திருவிழா நேற்று கொடியேற்றத்துடன் தொடங்கியது. இன்று முக்கிய நிகழ்ச்சியாக திருவிழா சிறப்பு திருப்பலி நடக்கிறது.
ராமேசுவரம்,
கச்சத்தீவு புனித அந்தோணியார் ஆலய திருவிழா நேற்று கொடியேற்றத்துடன் தொடங்கியது. இன்று முக்கிய நிகழ்ச்சியாக திருவிழா சிறப்பு திருப்பலி நடக்கிறது.
புனித அந்ேதாணியார் ஆலய திருவிழா
| ராமேசுவரம் அருகே நடுக்கடலில் உள்ள கச்சத்தீவு புனித அந்தோணியார் ஆலய திருவிழா நேற்று தொடங்கியது. தமிழகத்தை சேர்ந்தவர்களும், இலங்கையை சேர்ந்தவர்களும் இந்த விழாவில் கலந்துகொள்வது வழக்கம். இந்த ஆண்டு கொரோனா கட்டுப்பாடு காரணமாக தமிழகத்தில் இருந்து குறைந்த நபர்களுக்கு மட்டும் அனுமதி வழங்கப்பட்டு இருந்தது. |
| ராமேசுவரத்தில் இருந்து ஒரு நாட்டு படகு, 3 விசைப்படகுகளில் மொத்தம் 76 பேர் நேற்று புறப்பட்டு சென்றனர். |
| முன்னதாக அவர்களின் அடையாள அட்டை, ஆதார் அட்டை உள்ளிட்ட ஆவணங்களை மத்திய, மாநில உளவுப்பிரிவு மற்றும் சுங்கத்துறையினர் தீவிரமாக சோதனை செய்து சரிபார்த்தனர். இந்த பணியில் சுங்கத்துறை துணை கமிஷனர் பிரவீன் ஜெய்சன் மற்றும் கூடுதல் சூப்பிரண்டு .தீபக்சிவாஜ், கூடுதல் சூப்பிரண்டு லயோலா இக்னேஷியஸ் ஆகியோர் தலைமையில் அதிகாரிகள் ஈடுபட்டு இருந்தனர். |
| கச்சத்தீவுக்கு விழாவுக்கு சென்றவர்களின் படகு பயணத்தை மாவட்ட வருவாய் அதிகாரி முத்துக்காமாட்சி கொடி அசைத்து தொடங்கி வைத்தார். அப்போது வருவாய் கோட்டாட்சியர் சுமன், தாசில்தார் மார்ட்டின், மீன்துறை துணை இயக்குனர் காத்தவராயன் உள்ளிட்டோர் உடன் இருந்தனர். |
| விழாவிற்கு புறப்பட்டு சென்றவர்களுக்கு ராமேசுவரம் நகரசபை தலைவர் நாசர்கான், துணைத்தலைவர் தட்சிணாமூர்த்தி, முன்னாள் நகர சபை தலைவர் அர்ஜுனன் ஆகியோர் பழம் பிஸ்கட் உள்ளிட்ட உணவுப் பொருட்களை வழங்கி வழியனுப்பி வைத்தனர். அப்போது கவுன்சிலர்கள் சங்கர், சத்தியமூர்த்தி, பிரபுகுமார் ஆகியோர் உடன் இருந்தனர். |
கொடி ஏற்றினார்
| ராமேசுவரத்தில் இருந்து நேற்று பகல் 11 மணி அளவில் புறப்பட்ட இந்த 4 படகுகளும் மதியம் 2 மணிக்கு கச்சத்தீவை சென்றடைந்தன.. |
| தொடர்ந்து கச்சத்தீவில் உள்ள புனித அந்தோணியார் ஆலயத்தில் நேற்று மாலை 5 மணியளவில் இலங்கையின் நெடுந்தீவு பங்குத்தந்தை வசந்தன், அந்தோணியாரின் திருஉருவம் பதித்த கொடியை ஏற்றினார். அதை தொடர்ந்து விழா தொடங்கியது. |
| ஆலயத்தில் திருச்சிலுவைப் பாதை, திருப்பலி, நற்கருணை ஆசீர் நடைபெற்று, இரவு 8 மணி அளவில் தேர்பவனி நிகழ்ச்சியும் நடைபெற்றன. ராமேசுவரம் வேர்க்கோடு ஆலய பங்குத்தந்தையும், திருவிழா கமிட்டியின் ஒருங்கிணைப்பாளருமான தேவசகாயம் தலைமையில் 4 பங்குத்தந்தைகள், நாட்டுப்படகு மீனவர் சங்க தலைவர் எஸ்.பி.ராயப்பன், விசைப்படகு மீனவர் சங்க பிரதிநிதிகள் சேசுராஜா, சகாயம் எமரிட் உள்ளிட்டோரும் கலந்துகொண்டனர்.. |
திருப்பலி
| திருவிழாவின் 2-வது நாளான இன்று(சனிக்கிழமை) காலை 7 மணியளவில் யாழ்ப்பாணம் மறைமாவட்ட முதன்மை குரு ஜோசப்தாஸ் ஜெபரத்தினம் தலைமையில் 2-ம் நாள் திருவிழா சிறப்பு திருப்பலி நிறைவேற்றப்படுகிறது. பின்னர் கொடி இறக்கப்பட்டு திருவிழா நிறைவுபெறுகிறது. |
| அதன் பின்னர் இந்த திருவிழாவில் கலந்து கொண்ட இரு நாடுகளைச் சேர்ந்தவர்கள் தாங்கள் வந்த படகுகளில் ஏறி சொந்த ஊர்களுக்கு புறப்படுகின்றனர். கச்சத்தீவில் இன்று திருவிழா முடிந்த பின்னர் பகல் 2 மணிக்குள் 4 படகுகளில் சென்ற பக்தர்கள் ராமேசுவரம் வந்து சேருவார்கள் என எதிர்பார்க்கப்படுகின்றது. |
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
