விவசாயி தூக்குப்போட்டு தற்கொலை

விக்கிரமங்கலம்:

அரியலூர் மாவட்டம் விக்கிரமங்கலம் அருகே உள்ள முனியன்குறிச்சி வடக்கு தெருவை சேர்ந்தவர் கனகராஜ் (வயது 31). விவசாயியான இவர் கடந்த சில மாதங்களாக வயிற்று வலியால் அவதிப்பட்டு வந்தார். இதற்காக தனியார் மருத்துவமனைகளில் காண்பித்து மருந்து, மாத்திரைகள் சாப்பிட்டும் குணமடையாததால் மனமுடைந்த கனகராஜ், தனது வீட்டில் யாரும் இல்லாதபோது மாட்டுக் கொட்டகையில் சேலையால் தூக்குப்போட்டு தற்கொலை செய்து கொண்டார். இது குறித்து கனகராஜின் தந்தை ரெங்கசாமி விக்கிரமங்கலம் போலீசில் அளித்த புகாரின்பேரில் கனகராஜின் உடலை சப்-இன்ஸ்பெக்டர் ராஜா கைப்பற்றி பிரேத பரிசோதனைக்காக அரியலூர் அரசு மருத்துவ கல்லூரி மருத்துவமனைக்கு அனுப்பி வைத்தார். மேலும் இது குறித்து வழக்குப்பதிவு செய்து விசாரணை நடத்தி வருகிறார்.