சாராயம் கடத்தி வந்த வாலிபர் கைது

நாகூர்:-

நாகூர் அருகே உள்ள மேலவாஞ்சூர் சோதனைச்சாவடியில் நாகூர் போலீஸ் சப்-இன்ஸ்பெக்டர் ராஜேந்திரன் மற்றும் போலீசார் நேற்று முன்தினம் இரவு வாகன சோதனையில் ஈடுபட்டிருந்தனர். அப்போது அந்த வழியாக சந்தேகத்துக்கு இடமளிக்கும் வகையில் நடந்து வந்து நபரை பிடித்து விசாரித்தனர். விசாரணையில் அவர் சாராய பாக்கெட்களை கடத்தி வந்தது தெரியவந்தது. மேலும் அவர் நாகை வெளிப்பாளைம் நடுத்தெருவை சேர்ந்த வைத்திலிங்கம் (வயது 32) என்பதும், அவர் விற்பனைக்காக சாராயத்தை கடத்தி சென்றதும் தெரியவந்தது. இதுகுறித்து போலீசார் வழக்குப்பதிவு செய்து அவரை கைது செய்தனர். மேலும் கடத்தி வரப்பட்ட 5 லிட்டர் பாக்கெட் சாராயத்தை பறிமுதல் செய்தனர்.