<
6 டன் வேளாண் விளை பொருள்கள் ஏலம்
முத்தூர் ஒழுங்குமுறை விற்பனை கூடத்தில் 6 டன் வேளாண் விளை பொருள்கள் ஏலம் விடப்பட்டது.
முத்தூர்
முத்தூர் ஒழுங்குமுறை விற்பனை கூடத்தில் 6 டன் வேளாண் விளை பொருள்கள் ஏலம் விடப்பட்டது.
ஒழுங்குமுறை விற்பனை கூடம்
திருப்பூர் மாவட்டம் முத்தூர் ஒழுங்குமுறை விற்பனை கூடத்தில் வாரந்தோறும் சனிக்கிழமை தேங்காய், தேங்காய் பருப்பு, எள் ஆகிய வேளாண் விளை பொருள்களின் ஏலம் நடைபெற்று வருகிறது. இந்த ஏலங்களில் முத்தூர் நகர மற்றும் சுற்றுவட்டார கிராம பகுதி விவசாயிகள் மற்றும் ஈரோடு மாவட்டம் கொல்லன் கோவில், சிவகிரி பேரூராட்சி பகுதிகள், அஞ்சூர் ஊராட்சி மற்றும் கரூர் மாவட்டம் அஞ்சூர், கார்வழி ஊராட்சி பகுதிகளை சேர்ந்த விவசாயிகள் நேரில் கலந்து கொண்டு தங்களது வேளாண் விளை பொருட்களை விற்று பலன் அடைந்து வருகின்றனர்.
இதன்படி நேற்று காலை ஒழுங்குமுறை விற்பனை கூடத்திற்கு சுற்றுவட்டார விவசாயிகள் 9 ஆயிரத்து 446 தேங்காய்களை ஏலத்துக்கு கொண்டு வந்திருந்தனர். இதில் 1 கிலோ தேங்காய் அதிகபட்ச விலையாக ரூ.32.10-க்கும், குறைந்தபட்ச விலையாக ரூ.24.05-க்கும், டெண்டர் முறையில் ஏலம் விடப்பட்டது. மேலும் 84 தேங்காய் பருப்பு மூட்டைகள் ஏலம் விடப்பட்டதில் 1 கிலோ தேங்காய் பருப்பு அதிகபட்ச விலையாக ரூ.96.15-க்கும், குறைந்தபட்ச விலையாக ரூ.66-க்கும் டெண்டர் முறையில் ஏலம் விடப்பட்டது.
தேங்காய் வரத்து உயர்வு
மேலும் கடந்த வாரத்தை விட இந்த வாரம் 2 ஆயிரத்து 581 தேங்காய்களும், 40 தேங்காய் பருப்பு மூட்டைகளும் கூடுதலாக கொண்டு வரப்பட்டு ஏலம் விடப்பட்டது. இதில் தேங்காய் 1 கிலோவிற்கு 75 பைசா குறைவாகவும், தேங்காய் பருப்பு கடந்த வார விலையிலும் விவசாயிகளுக்கு கிடைத்தது. மேலும் கடந்த 1 மாத காலமாகவே தேங்காய் பருப்பு விலை கிலோ ரூ.90-ஐ தாண்டி ஏலம் விடப்பட்டு வருகிறது என்பது குறிப்பிடத்தக்கது. மேலும் இனி வரும் வாரங்களில் தேங்காய் பருப்பு கிலோ ரூ.100-ஐ தாண்டும் என்று விவசாயிகள் எதிர்பார்ப்பில் உள்ளனர்.
6 டன் ஏலம்
மேலும் ஒழுங்குமுறை விற்பனை கூடத்தில் தேங்காய், தேங்காய் பருப்பு மூட்டைகள் 6 டன் அளவில் மொத்தம் ரூ.3 லட்சத்து 53 ஆயிரத்து 496-க்கு வேளாண் விளைபொருள்கள் ஏலம் விடப்பட்டது.
இந்த ஏலங்களில் திருப்பூர், ஈரோடு, கரூர் மாவட்டங்களை சேர்ந்த மொத்த கொள்முதல் வியாபாரிகள் தமிழக அரசின் கொரோனா தடுப்பு விதிகளை கடைபிடித்து முகக்கவசம் அணிந்து, சமூக இடைவெளியுடன் கலந்து கொண்டனர். இத்தகவலை முத்தூர் ஒழுங்குமுறை விற்பனைக்கூட மேற்பார்வையாளர் ஸ்ரீ ரங்கன் தெரிவித்து உள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
