தர்மபுரியில் பட்டறையில் நிறுத்திய லாரி தீப்பிடித்தது

தர்மபுரி,:

தர்மபுரியை அடுத்த பழைய தர்மபுரி பகுதியில் உள்ள ஒரு பட்டறையில் பழுதுபார்க்கும் பணிக்காக லாரி நிறுத்தப்பட்டு இருந்தது. இந்த லாரியில் கேபின் பகுதியில் திடீரென தீப்பிடித்து கொண்டது. இதுபற்றி தகவல் அறிந்ததும் தர்மபுரி தீயணைப்பு நிலைய அலுவலர் ராஜா தலைமையில் வீரர்கள் விரைந்து சென்று தண்ணீரை பீய்ச்சி அடித்து லாரியில் பிடித்த தீயை அணைத்தனர். இதனால் லாரி முழுவதும் தீ பரவுவது தடுக்கப்பட்டது. தீ விபத்துக்கான காரணம் குறித்து தீயணைப்பு துறையினர் விசாரணை நடத்தி வருகின்றனர்.