ரெயில் மோதி பெண் பலி

சேரன்மாதேவி:

வீரவநல்லூர்- காருகுறிச்சி இடையே ரெயில் தண்டவாளத்தில் காட்டு பகுதியில் நேற்று முன்தினம் 35 வயது மதிக்கத்தக்க பெண் ஒருவர், ரெயில் மோதி உடல் சிதைந்த நிலையில் பிணமாக கிடந்தார். அந்த வழியாக சென்றவர்கள் இதனைப் பார்த்து அதிர்ச்சி அடைந்து தென்காசி ரெயில்வே போலீசாருக்கு தகவல் தெரிவித்தனர். உடனே ரெயில்வே போலீஸ் சப்-இன்ஸ்பெக்டர் மாரியப்பன் மற்றும் போலீசார் விரைந்து சென்று, அவரது உடலைக் கைப்பற்றி பிரேத பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர்.

இதுகுறித்து போலீசார் வழக்குப்பதிவு செய்தனர். ரெயில் தண்டவாளத்தில் இறந்து கிடந்த பெண் யார்?, அவர் தண்டவாளத்தை கடக்க முயன்றபோது ரெயில் மோதி இறந்தாரா? அல்லது ரெயில் முன் பாய்ந்து தற்கொலை செய்தாரா? அல்லது வேறு ஏதேனும் காரணமா? என பல்வேறு கோணங்களில் போலீசார் தீவிர விசாரணை நடத்தி வருகின்றனர்.