பெண்ணிடம் 3 பவுன் சங்கிலி பறிப்பு

கிருஷ்ணராயபுரம் அருகே உள்ள கடவூர் தாலுகா பாலப்பட்டியை சேர்ந்தவர் ராமசாமி. இவரது மனைவி செஞ்சியம்மாள். இவர் நேற்று முன்தினம் மாலை பாலப்பட்டி அருகே தனது தோட்டத்தில் மாடு மேய்த்து கொண்டிருந்தார். அப்போது அங்கு மோட்டார் சைக்கிளில் 20 வயது மதிக்கத்தக்க 2 வாலிபர்கள் வந்தனர். பின்னர் அவர்கள் செஞ்சியம்மாள் கழுத்தில் அணிந்திருந்த 3 பவுன் தங்க சங்கிலியை பறித்து கொண்டு அங்கிருந்து தப்பி சென்று விட்டனர். இதுகுறித்து செஞ்சியம்மாளின் மகன் ஜெய்சங்கர் கொடுத்த புகாரின்பேரில், மாயனூர் போலீசார் வழக்குப்பதிவு செய்து தங்கச்சங்கிலியை பறித்து சென்ற வாலிபர்களை வலைவீசி தேடி வருகின்றனர்.