வாலிபரிடம் பணம் திருடியவர் சிக்கினார்

நெல்லை:

தூத்துக்குடி மாவட்டம் விளாத்திகுளம் பகுதியை சேர்ந்தவர் சோலைராஜ் (வயது 28). இவர் நேற்று முன்தினம் நெல்லை புதிய பஸ் நிலையத்தில் பஸ்சுக்காக காத்திருந்தார். அப்போது அங்கு நின்று கொண்டிருந்த தென்காசி மாவட்டம் கடையம் பகுதியை சேர்ந்த ஜெய கிருஷ்ணன் (43) என்பவர் சோலைராஜ் பேண்ட் பாக்கெட்டில் இருந்த ரூ.1,000-ஐ நைசாக திருடியதாக தெரிகிறது. இதுகுறித்த புகாரின் பேரில் மேலப்பாளையம் போலீசார் வழக்குப்பதிவு செய்து, ஜெயகிருஷ்ணனை கைது செய்து, அவரிடம் இருந்து பணத்தை மீட்டனர்.