நுகர்வோர் விழிப்புணர்வு கருத்தரங்கம்

பெரம்பலூர்:

பெரம்பலூரில் உள்ள அரசு மேல்நிலைப்பள்ளியில் உலக நுகர்வோர் தின விழாவை முன்னிட்டு நுகர்வோர் விழிப்புணர்வு கருத்தரங்கம், தலைமை ஆசிரியர் ஜெய்சங்கர் தலைமையில் நடந்தது. பள்ளியின் முதுகலை ஆசிரியர் இளங்கோவன் வரவேற்றார். நுகர்வோர் நீதிமன்ற முன்னாள் உறுப்பினர் அன்பழகன் சிறப்பு விருந்தினராக கலந்து கொண்டு வாழ்த்தி பேசினார். இதில் தமிழ்நாடு நுகர்வோர் மற்றும் சுற்றுச்சூழல் பாதுகாப்பு சங்கத்தின் மாநில தலைவர் கதிரவன், நுகர்பொருள் பயன்பாட்டு சட்டங்கள், நுகர்வோருக்கான உரிமைகள், பள்ளி நுகர்வோர் மன்றங்களின் செயல்பாடுகள் குறித்து பேசினார். பெரம்பலூர் வட்ட வழங்கல் அலுவலர் பெரியண்ணன் பல்வேறு கலைத்திறன் போட்டிகளில் வெற்றி பெற்ற மாணவ-மாணவிகளுக்கு பரிசுகளை வழங்கி பாராட்டினார். முடிவில் பள்ளியின் குடிமக்கள் நுகர்வோர் மன்ற ஒருங்கிணைப்பாளரான ஆசிரியை இந்திரா நன்றி கூறினார்.