<
வாணியம்பாடியில் பட்டப்பகலில் மூதாட்டியிடம் ரூ.10 ஆயிரம் பறித்து சென்ற மர்ம நபர்கள்
வாணியம்பாடியில் சாலையோரத்தில் காய்கறி வியாபாரம் செய்த மூதாட்டியிடம் ரூ.10 ஆயிரத்தை பறித்து சென்ற மர்ம நபர்களை போலீசார்தேடி வருகின்றனர்.
வாணியம்பாடி
வாணியம்பாடியில் சாலையோரத்தில் காய்கறி வியாபாரம் செய்த மூதாட்டியிடம் ரூ.10 ஆயிரத்தை பறித்து சென்ற மர்ம நபர்களை போலீசார் தேடி வருகின்றனர்.
ரூ.10 ஆயிரம் பறிப்பு
திருப்பத்தூர் மாவட்டம் வாணியம்பாடியை அடுத்த மதனாஞ்சேரி கிராமத்தை சேர்ந்தவர் வசந்தா (வயது 65). குழந்தைகள் இல்லாத நிலையில் கணவரை பிரிந்து வாழும் இவர் வாணியம்பாடி பஜார் வீதியில், சாலையோரத்தில் காய்கறி வியாபாரம் செய்து வருகிறார். வழக்கம்போல வாணியம்பாடி பஜார் வீதி பகுதியில், சாலையோரத்தில் காய்கறிகள் விற்றுக்கொண்டிருந்தார். அப்போது அந்தவழியாக மோட்டார்சைக்கிளில் 3 பேர் வந்தனர்.
அவர்களில் ஒருவன் மோட்டார்சைக்கிளில் இருந்து இறங்கி மூதாட்டி வசந்தா சுருக்குப் பையில் வைத்திருந்த ரூ.10 ஆயிரம் மற்றும் வெள்ளிக் கொலுசை பறித்துக்கொண்டு தயாராக நின்ற மோட்டார்சைக்கிளில் தப்பி சென்றுள்ளனர். இதனால் அதிர்ச்சியடைந்த மூதாட்டி அலறியடித்து கூச்சலிட்டார்.
போலீசார் விசாரணை
இதுகுறித்து வாணியம்பாடி போலீசாருக்கு தகவல் தெரிவிக்கப்பட்டது. அவர்கள் உடனடியாகசம்பவ இடத்துக்கு விரைந்து சென்று விசாரணை நடத்தினர். மேலும் அந்தப்பகுதியில் உள்ள கண்காணிப்பு கேமராவில் பதிவான காட்சிகளை ஆய்வு செய்தனர்.
அதில் மர்ம நபர்கள், மூதாட்டியிடம் பணத்தை பறித்து சென்ற காட்சிகள் பதிவாகி இருந்தது. அதன் அடிப்படையில் மர்ம நபர்களை போலீசார் தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
