மோட்டார் சைக்கிளில் இருந்து கீழே விழுந்து விவசாயி சாவு

திருமயம் அருகே உள்ள ராவத்தன்பட்டியை சேர்ந்தவர் முத்துக்குமார் (வயது 53). விவசாயி. சம்பவத்தன்று இவர், ராயவரத்தில் இருந்து கடியாபட்டிக்கு மோட்டார் சைக்கிளில் சென்று கொண்டிருந்த போது நிலை தடுமாறி கீழே விழுந்து படுகாயமடைந்தார். இதைப்பார்த்த அக்கம் பக்கத்தில் உள்ளவர்கள் அவரை மீட்டு சிகிச்சைக்காக மதுரையில் உள்ள ஒரு தனியார் மருத்துவமனையில் சேர்த்தனர். அங்கு சிகிச்சை பெற்று வந்த முத்துக்குமார் சிகிச்சை பலனின்றி பரிதாபமாக இறந்தார்.  இதுகுறித்து திருமயம் போலீசார் வழக்குப்பதிவு செய்து விசாரணை நடத்தி வருகின்றனர்.