6 பேர் ஆயுதங்களுடன் சிக்கினர்

மதுரை

மதுரை மாட்டுத்தாவணி போலீஸ் இன்ஸ்பெக்டர் ராஜாங்கம் மற்றும் போலீசார் ரோந்து சென்றனர். அப்போது பாண்டிகோவில் ரிங்ரோடு அருகே திருச்சி மெயின் ரோடு சந்திப்பில் சென்ற போது பாலத்தின் அடியில் கும்பல் ஒன்று பதுங்கி இருந்ததை பார்த்தனர். உடனே அவர்களை சுற்றி வளைத்து பிடித்து விசாரித்தனர். அதில் ஆண்டார்கொட்டாரத்தை சேர்ந்த மகாராஜன்(வயது 27), கருப்பாயூரணி கவுதம்(25), செல்லப்பாண்டி (25), பாலமுருகன் (33) ஆண்டார்கொட்டாரத்தை சேர்ந்த அஜித்குமார் (22), இளமனூரை சேர்ந்த கோபி (25) என்பதும், பிரபல ரவுடிகளான அவர்கள் மீது பல்வேறு வழக்குகள் இருப்பதும் தெரியவந்தது. பின்னர் போலீசார் அவர்கள் 6 பேரையும் கைது செய்து, அவர்களிடமிருந்து 2 கத்தி, கயிறு உள்ளிட்ட பொருட்களை பறிமுதல் செய்தனர். மேலும் அவர்களிடம் நடத்திய விசாரணையில் அவர்கள் ரிங்ரோடு பகுதியில் செல்பவர்களை மறித்து வழிப்பறி சம்பவத்தில் ஈடுபட முயன்றது தெரியவந்தது.