தர்மபுரி ஏல அங்காடியில் பட்டுக்கூடுகள் விலை குறைந்தது

தர்மபுரி:-

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து பட்டுக்கூடுகள் விற்பனைக்கு கொண்டு வரப்படுகிறது. இந்த அங்காடிக்கு நேற்று சுமார் 1¾ டன் பட்டுக்கூடுகளை விவசாயிகள் கொண்டு வந்தனர். நேற்று முன்தினம் அதிகபட்சமாக ரூ.868-க்கு விற்பனையான ஒரு கிலோ பட்டுக்கூடு நேற்று ரூ.21 விலை குறைந்தது. அதிகபட்சமாக ரூ.847, குறைந்தபட்சமாக ரூ.575, சராசரியாக ரூ.805.20 என்ற விலைகளில் பட்டுக்கூடுகள் விற்பனை செய்யப்பட்டது. நேற்று ரூ.13 லட்சத்து 66 ஆயிரத்து 190 மதிப்பில் பட்டுக்கூடுகள் விற்பனையானது.