<
லாரியில் கடத்திய 4 டன் ரேஷன் அரிசி பறிமுதல்
சின்னமனூரில் இருந்து கேரளாவுக்கு லாரியில் கடத்திய 4 டன் ரேஷன் அரிசி பறிமுதல் செய்யப்பட்டது.
உத்தமபாளையம்:
சின்னமனூரில் இருந்து கேரளாவுக்கு, லாரியில் ரேஷன் அரிசி கடத்தப்படுவதாக போலீசாருக்கு ரகசிய தகவல் கிடைத்தது. அதன்பேரில் க.புதுப்பட்டி புதிய புறவழிச்சாலையில் உத்தமபாளையம், கம்பம் தனிப்பிரிவு போலீசார் வாகன தணிக்கையில் ஈடுபட்டனர்.
அப்போது அந்த வழியாக வேகமாக வந்த லாரியை மறித்து போலீசார் சோதனை செய்தனர். அதில், 4 டன் ரேஷன் அரிசி மற்றும் 500 கிலோ கோதுமை இருந்தது தெரியவந்தது. இது தொடர்பாக சின்னமனூரை சேர்ந்த லாரி டிரைவர் ராஜபாண்டி (வயது 32) என்பவரிடம் போலீசார் விசாரணை நடத்தினர்.
இதனையடுத்து பறிமுதல் செய்யப்பட்ட ரேஷன் அரிசி, கோதுமை, லாரி ஆகியவற்றை உணவு கடத்தல் தடுப்பு பிரிவு போலீசாரிடம் ஒப்படைக்கப்பட்டது. இதேபோல் டிரைவர் ராஜபாண்டியும் அங்கு ஒப்படைக்கப்பட்டார். இது தொடர்பாக போலீசார் வழக்குப்பதிவு செய்து ராஜபாண்டியை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
