<
சூரனை வதம் செய்த முத்துமாரியம்மன்
கமுதி முத்துமாரியம்மன் கோவில் பங்குனி திருவிழாவில் சூரசம்ஹார விழா நடைபெற்றது.
கமுதி,
கமுதி முத்துமாரியம்மன் கோவில் பங்குனி திருவிழாவில் சூரசம்ஹார விழா நடைபெற்றது.
முத்துமாரியம்மன் கோவில்
கமுதி சத்திரிய நாடார் உறவின் முறைக்கு பாத்தியப்பட்ட முத்துமாரியம்மன் கோவிலில் பங்குனி திருவிழா கடந்த 9-ந் தேதி கொடியேற்றத்துடன் தொடங்கியது. வருகிற 22-ம் தேதி பொங்கல் திருவிழாவும், 23-ந்தேதி அக்னிச்சட்டி திருவிழாவும் நடைபெற உள்ளது.
திருவிழாவையொட்டி தினமும் அம்மனுக்கு சிறப்பு பூஜை செய்யப்பட்டு குதிரை, ரிஷபம், யானை என ஒவ்வொரு நாளும் வெவ்வேறு வாகனங்களில் அம்மன் நகர் வலம் வரும் நிகழ்ச்சி நடைபெற்று வருகிறது. 8-ம் நாள் திருவிழாவில் முத்துமாரியம்மன் சிம்மவாகனத்தில், அலங்கரிக்கப்பட்ட கண்ணாடி தேரில் இரண்டு மாடுகள் பூட்டப்பட்டு கமுதி நகரில் திருவீதி உலா வந்தார்.
சூரசம்ஹாரம்
பின்னர் கோவிலின் முன்பு சூரனை வதம் செய்யும் சூரசம்ஹாரம் நிகழ்ச்சி நேற்று அதிகாலை 2 மணியளவில் நடைபெற்றது. சூரசம்ஹாரத்தின் போது சூரபத்மன், யானை, அரக்கன், எருமை, ஆடு, குதிரை உள்ளிட்ட 5 தலைகளை கொண்டு, அம்மனிடம் போரிடும் போது, சூரபத்மனை அம்மன் வதம் செய்யும் நிகழ்ச்சி நடைபெற்றது.
இந்நிகழ்ச்சியை ஏராளமான பக்தர்கள் கண்டு தரிசித்தனர். விழாவிற்கான ஏற்பாடுகளை சத்திரிய நாடார் உறவின் முறையார் செய்திருந்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
