தினத்தந்தி புகார் பெட்டி

கரூர் மாவட்டம், மண்மங்கலம் பகுதியில் தார் சாலை ஓரத்தில் அப்பகுதியில் உள்ள மருத்துவமனைகளில் காலாவதியான மருந்துகள், மாத்திரைகள் மற்றும் மருத்துவகழிவுகளையும் கொட்டி வருகின்றனர். கொட்டப்பட்டுள்ள காலாவதியான மருந்து, மாத்திரைகளையும், மருத்துவக் கழிவுகளை அகற்றி அவற்றை கொட்டுபவர்கள் மீது நடவடிக்கை எடுக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், மண்மங்கலம், கரூர். 

திருச்சி மாவட்டம், லால்குடி வட்டம், சிருதையூர் அக்ரஹாரம் மற்றும் உமர் நகர் இடையில் அமைந்துள்ள கழிவுநீர் வாய்க்காலில் பிளாஸ்டிக் குப்பைகள் சேகரமாகி வாய்க்கால் தூர்ந்துபோய் கழிவுநீர் தேங்கி நிற்கிறது. இதனால் அப்பகுதியில் துர்நாற்றம் வீசுவதுடன் கொசுக்கள் அதிக அளவில் உற்பத்தியாகி இப்பகுதியில் டெங்கு, மலேரியா உள்ளிட்ட காய்ச்சல் பரவ அதிக வாய்ப்பு உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

 பொதுமக்கள், லால்குடி, திருச்சி. 

திருச்சி மாவட்டம், லால்குடி தாலுகா, கோமக்குடி மேல தெருவில் ஏராளமான பொதுமக்கள் வசித்து வருகின்றன.  இப்பகுதி மக்களின் தேவைக்காக அப்பகுதியில் பொது கழிவறை அமைக்கப்பட்டுள்ளது. இந்த கழிவறை அமைக்கப்பட்டு பல ஆண்டுகள் ஆனதால் பராமரிப்பு இன்றி செடிகொடிகள் வளர்ந்து காணப்படுகிறது. மேலும் மின் இணைப்பு இல்லாததால் அப்பகுதி மக்கள் பெரிதும் சிரமமடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், கோமக்குடி, திருச்சி. 

திருச்சி மாவட்டம், லால்குடி வாழியூரில் அமைக்கப்பட்டுள்ள சாலை சிதிலமடைந்து ஜல்லிக்கற்கள் பெயர்ந்து ஆங்காங்கே குண்டும், குழியுமாக காணப்படுகிறது. இதனால் அந்த வழியாக செல்லும் வாகன ஓட்டிகள் பெரிதும் அவதிப்படுவதுடன் பள்ளி, கல்லூரிக்கு சைக்கிளில் செல்லும் மாணவ-மாணவிகள் கீழே விழுந்து காயம் அடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

பொதுமக்கள், வாழியூர், திருச்சி.