பள்ளி மாணவி தூக்குப்போட்டு தற்கொலை

குன்னம்:

பெரம்பலூர் மாவட்டம் குன்னம் அருகே உள்ள அசூர் கிராமத்தை சேர்ந்தவர் கதிர். இவரது மகள் காவியா (வயது 15). இவர் அங்குள்ள அரசு பள்ளியில் 10-ம் வகுப்பு படித்து வந்தார். கதிரும், அவரது மனைவியும் பெரம்பலூர் அருகே உள்ள செங்குணம் கிராமத்தில் தங்கி டீக்கடை நடத்தி வருகின்றனர். காவியா தனது பாட்டி பச்சையம்மாள் வீட்டில் தங்கி படித்து வந்தார். காவியாவிற்கு தீராத வயிற்றுவலி இருந்ததாகவும், மருத்துவமனைகளில் சிகிச்சை பெற்றும் குணமாகவில்லை என்றும் கூறப்படுகிறது. இதனால் மனமுடைந்த காவியா தனது பாட்டி வீட்டில் நேற்று முன்தினம் இரவு தூக்குப்போட்டு தற்கொலை செய்து கொண்டார். இது குறித்து கதிர் கொடுத்த புகாரின்பேரில் குன்னம் போலீசார் வழக்குப்பதிவு செய்து விசாரணை நடத்தி வருகின்றனர்.